Mbrëmja e djeshme e “Për’puthen Prime” kishte shumë përballje dhe debate mes Ledjanës, Mevlanit dhe Antonelës. Kjo e fundit iu kthye paksa ashpër Ledjanës, e madje as nuk e pranoi faljen e saj, pasi i shkatërroi takimin me Mevlanin.
Atdheu ndërhyri duke thënë se më herët ka shkëmbyer një puthje me Antoenlën. Ajo e pranoi këtë dhe u shpreh: “Ka ndodhur tek inaugurimi i lokalit të tij më ka përcjellë në shtëpi dhe më ka puthur në makinë”.
Atdheu vijoi duke thënë se Antonela ecën me skenar në program dhe se po luan me të gjithë. Ai publikoi dhe një video që Antonela kishte bërë para se të hynte në program, ku shprehej se Atdheun do e injoronte e nuk do dilte në takime.
Mesa duket debati nuk u la me kaq dhe pas “Për’puthen Prime” kanë vazhduar thumbat në rrjete sociale. Ka qenë Elvisi ai që e ka mbështetur Atdheun, teksa shkroi në “Instastory”: “Ka dy lloj mostrash në këtë botë: Ngacmuesit seksualë që bëjnë gjëra pa aprovimin e palës tjetër. Femra që bëjnë ça duan dhe ia hedhin fajin “ngacmuesit seksual. Për këtë të dytën jam më i sigurt”.
Shkrimi i tij është ripostuar nga Atdheu, i cili shkruan: “Edhe maniak seksual më bënë o vëlla.”
