Ish-gruaja e Jeff Bezos, pasuria e të cilës vlerësohet në 53 miliardë dollarë, ka vendosur të rindërtojë jetën e saj.
Sipas Daily Mail, Mackenzie Scott (ish Mackenzie Bezos) është martuar sërish dhe i dashuri i saj është Dan Juet, një mësues në Seattle që jep mësime në lidhje me shkencën në shkollën private që ndjekin fëmijët e saj.
Mackenzie, 50 vjeç është themeluesja e Amazon dhe u nda dy vjet më parë me Jeff Bezos, pas 25 vite së bashku.
Sipas gazetës britanike nuk është e qartë se kur ndodhi saktësisht dasma e Mackenzie Scott me Jouet dhe as sa kohë kanë së bashku. Mbi të gjitha ish-bashkëshortja e Jeff Bezos është përpjekur gjithmonë të mbajë larg syrit të publikut jetën e saj private, pavarësisht punës së saj të jashtëzakonshme filantropike.
Çifti bëri njoftimin e parë publik të martesës së tyre të shtunën, në një postim në Giving Pledge- faqja e një fushate që inkurajon miliarderë dhe milionerë të kontribuojnë me pasurinë e tyre në bamirësi.
Shkolla private ku punon burri i ri i Mackenzie Scott është e famshme për nivelin e arsimit që ofron dhe shkollimi në të arrin 38,000 dollarë në vit. Ndër të diplomuarit e tij më të njohur është Bill Gates.
