Saimira Dyrmishi nga Vlora ka denoncuar ditën e sotme se shefja e Infektivit, Najada Çomo i ka marrë 1 milionë lekë për t’i shërbyer më mirë burrit të saj të shtruar në spitalin Covid 1, por fatkeqësisht 14 orë më vonë burri i saj u nda nga jeta.
Dyrmishi, kandidate e PD-së në Sarandë, deklaroi se zarfin ia kishte dërguar në zyrë Çoomos, e cila u prezantua si kandidate per deputete e PS-së ditën e djeshme, e shoqeruar nga 3 infermiere. Ajo shton se është pikërisht Çomo ajo që vendos kush jeton dhe kush vdes te Infektivi.
Rreth 2 jave me pare, djali i Dyrmishit ka bërë një parodi në faqen gazmore “NgopTv”. Ai quhet Marsion dhe në këtë këngë ironike dhe të dhimbshme ai dëgjohet sesi kritikon situatën në spitale dhe korrupsionin që ndodh aty.
“C’kemi unë quhem doktor rryshfet, po re në dorën time ngele pa brekë. Hudhi shpejt paret mos i numëro, s’të ka ngel shumë kohë, kshuqë mos u vono. Çmiment i kemi konkuruese, seksere kemi një pastruese. Po s’pate lekë më mirë vdis në shpi,” dëgjohet ndër të tjera.
