I ftuar në emisionin “Opinion”, deputeti socialist Ben Blushi, një nga kritikët më të mëdhenj të kryeministrit Rama është shprehur se edhe po të ishte pjesë e qeverisë do të kishte të njëjtin qëndrim.
I pyetur nga drejtuesi i emisionit se cili do të kishte qenë reagimi i Blushit nëse do të ishte ministër i qeverisë Rama, Blushi tha të njëjtën gjë që ka bërë në kohën kur ishte ministër i qeverisë Nano, ku i kërkoi kryeministrit të asaj kohe të jepte dorëheqjen.
“Kam një provë, pse do thosha po. Në vitin 2003 kur unë kam qenë ministër i PS-së qeveria jonë ngele me 3 ministra dhe nu kishte numra në parlament, kam shkuar dhe i kam thënë kryeministrit që të japë dorëheqjen. Këtë e ka pranuar dhe ai vetë. Dhe ai ka thënë në një takim në Vlorë që Ben Blushi më ka kërkuar të lë timonin e anijes. Kjo është një provë, se unë flas pavarësisht se ku jam.
Nuk ka lidhje jam apo nuk jam në qeveri. Ka lidhje me faktin se qeverisja nuk është aty ku duhet të ishim, jemi shumë larg nga ajo që premtuam”, u shpreh Blushi.
