Policia Kufitare në Viçisht të Dibrës ka sekuestruar sot 507 kg kafe kontrabandë dhe një person është shpallur në kërkim.
Specialistët e Policisë Kufitare Viçisht, filluan procedimin penal si dhe bënë shpalljen në kërkim të 51-vjeçadrit B.T., banues në fshatin Gjoricë e Poshtme, Bulqizë, për veprën penale: “Kontrabandë me mallra që paguhet akcizë”.
Në orët e para të mëngjesit të sotëm, ai ka tentuar të fusë kontrabandë kafe, nëpërmjet kufirit të gjelbër nga Maqedonia në drejtim të Shqipërisë, me mjetin e tij tip “Ford fugon”.
B.T., sapo ka parë shërbimet e Policisë Kufitare ka braktisur automjetin dhe është larguar duke përfituar dhe nga errësira, njoftojnë burime zyrtare nga policia.
Gjatë kontrollit të ushtruar në automjetin e tij, i’u gjetën dhe sekuestruan 387 kg kafe kontrabandë të markës “AMIGOS” dhe 120 kg kafe të markës “ORIGIN INDIANA”, me peshë totale 507 kg.
Materialet për këtë rast i kaluan për veprime të mëtejshme Prokurorisë Pranë Gjykatës së Shkallës së Parë Dibër, për veprën penale “Kontrabanda me mallra që paguhet akcizë”.
