Najada Çomo shefja e spitalit Infektiv pasi u ftua nga Edi Rama për të qenë në listën e deputetëve pak orë më vonë u shfaq në krahë të tij.
Çomo foli për situatën në spitalin Covid, duke folur me superlativa, ndërkohë që situata në terren është ndryshe.
“Puna që bëhet nga stafi mjekësor, është gjigande, me përkushtim dhe ata njerëz japin gjithçka nga ana profesionale dhe humane. Duke qenë një sëmundje që kërkon specialitë të ndryshëm, edhe specialist të tjerë kanë dhënë ndihmë”.
Pas kësaj fjale, ishte Rama ai që prezantoi Najada Çomon si kandidate në listën e PS-së.
Rama: Mbase është moment për ta thënë, të gjithë ta dëgjojnë. Duke pasur parasysh se në këtë udhëkryq që kjo përballje , kjo ndeshje e 25 prillit, Shqipëria duhet të flasë, duhet të ndjejë, duhet të jehojë zërin e atyre që janë në vijën e parë të kësaj lufte, por dhe në anën tjetër të kësaj vije, është me siguri një arsye për të reflektuar lidhur me vet skudrën tonë, është një arsye për të bërë një hap dhe për të shtrirë dorën e lutjes, duke kërkuar që dikush dhe kush më mirë se komandantja e vijës së zjarrit, të vijë me ne, jo për t’u bërë deputetja e radhës, as për të lënë vijën e zjarrit dhe për t’u ulur në një nga karriget që janë shumë më të rehatshme se qëndrimi në këmbë, por për të qenë aty sa herë që duhet që zëri i brendshëm i atyre hapësirve ku lufta është një sy më sy dhe kacafytëse me armikun të mos i mungojhë parlamentit, njerëzëve dhe qeverisë që do të duhet të kuptojë e veprojë më shumë me njërëzit. Në mënyrë spontane, nxorra një sekret të vogël që nuk ishte i presepozuar të dilte sot. Të jap fjalën që ne nuk duam që t’i të bëhesh si ne, ne duam që ne të bëhemi si ty.
