Lirohet nga burgu mjeku Edvin Prifti. Vendimi është dhënë nga Apeli i Gjykatës së Posaçme. Më herët gjatë seancës, avokatët kanë kërkuar ndryshim të masës së sigurisë.
Avokati i mjekut Prifti duke mohuar akuzat ka kërkuar ndryshim të masës së sigurisë.
Edhe avokati i gjyqtares Enkelejda Hoxha argumentoi se masa ndaj saj duhet të jetë më e butë, kjo për shkak se është nënë e dy fëmijëve dhe ka nevojë për përkujdesjen e saj.
Nga ana tjetër Prokuroria e Posaçme i ka qëndruar të njëjtës kërkesë si në Shkallë të Parë, atë të vazhdimit të masave arrest në burg.
