Një vajzë nëntë vjeçare ka vdekur në Sri Lanka pasi ajo u rrah me një thupër gjatë një rituali lokal që besohet se largon “shpirtrat e këqij”.
Dy persona, nëna e fëmijës dhe gruaja që kryenin ritualin, janë arrestuar dhe u paraqitën në gjykatë të hënën në lidhje me vdekjen, tha policia e Sri Lankës.
Nëna besonte se vajza e saj ishte “pushtuar nga një demon”, deklaroi policia. Vajza vdiq në spital pasi humbi ndjenjat gjatë ritualit, shkruan “BBC”.
Incidenti ndodhi në qytetin Delgoda, rreth 40 km (25 milje) nga kryeqyteti Colombo, ku gruaja ishte e njohur për ofrimin e shërbimeve “ekzorcizëm”, thanë raportet e medias.
Policia tregoi se vaji ishte derdhur në ballë të vajzës dhe ajo u rrah për shkak se nëna e saj pretendoi se një “demon” duhej “dëbuar”, sipas gazetës Sri Lanka Adaderana.
Disa nga fqinjët e vajzës u përpoqën të ndërhyjnë kur dëgjuan të qarat e saj, por nuk ishin në gjendje ta shpëtonin, raporton agjencia e lajmeve AFP.
Policia ka paralajmëruar se nuk është hera e parë që përpjekjet e ekzorcizmit janë kryer në zonë, duke çuar në dëmtime fizike ose vdekje.
