Një person është gjetur i pajetë në Darzezë këtë të Hënë. Sipas policisë, viktima, një 71-vjeçar, i cili teksa ishte duke peshkuar, dyshohet se ka rënë në një kanal me ujë në Darzezë, duke gjetur vdekjen.
“Sot rreth orës 09:00, në një kanal me ujë në Darzezë, është gjetur një shtetas i mbytur. Nga veprimet e para rezultoi se trupi i përket shtetasit K. M., 71 vjeç, banues në Fier. Nga kqyrja paraprake e kufomës nuk konstatohen shenja dhune dhe dyshohet se vdekja ka ardhur si pasojë e mbytjes nga uji pasi 71-vjeçari ka qënë duke peshkuar”, njoftoi policia.
Grupi hetimor ndodhet në vendngjarje dhe po punon për zbardhjen e plotë të ngjarjes, shtuan të njëjtat burime.
