I dërguari I posaçëm I BE-së për dialogurn Kosovë-Serbi, Miroslav Lajçak të hënën pritet të zhvillojë një vizitë zyrtare në Prishtinë.
Mediat vendase bëjnë me dije se gjatë kësaj vizite Lajçak do të takohet edhe lideri Lëvizjes Vetëvendosje, Albin Kurti. Këtë e ka konfirmuar vetë fituesi i zgjedhjeve të 14 shkurtit kur u pyet nëse do të takohet nesër me Lajçakun.
”Me sa di në agjendë e kemi edhe takimin e Lajçak, prandaj mund të them se po”, tha shkurt Kurti për mediat.
Ndërkohë gjatë javës Lajçak, pritet që përveç Prishtinës të zhvillojë dhe një vizitë zyrtare në Beograd, ku do të takohet me presidentin serb, Aleksandër Vuçiç.
Këto vizita janë pjesë e përpjekjes së BE-së për të ringjallur dialogun Kosovë-Serbi nën udhëheqjen e saj pasi që nën ShBA-të nën udhëheqjen e Presidentit Donald Trump patën marrë primatin e dialogut ndërmjet Prishtinës e Boegradit.
