Federata Italiane ka gjobitur me 3 mijë euro trajnerin e Napolit, Xhenaro Gatuzo. Komisioni Disiplinor arriti në përfundim se tekniku i të kaltërve ka përdoru shprehje blasfemike gjatë ndeshjes së kampionatit Krotone-Napoli në 6 dhjetor.
Referuar rregullores së futbollit italian, Gatuzo duhet të paguajë 3 mijë euro gjobë.
“Duke ndjekur procedurën ankimuese dhe arritjen e marrëveshjes, trajneri i Napolit Xhenaro Gatuzo gjobitet me 3 mijë euro. Tekniku ka shkelur nenin 4, paragrafi 1 dhe nenin 37 të Kodit të Drejtësisë Sportive duke përmendur shprehje blasfemike gjatë ndeshjes Krotone-Napoli në 6 dhjetor 2020”, shkruhet në vendimin e Federatës Italiane.
Kjo është një tjetër “shuplakë” për teknikun italian pas eliminimit të djeshëm nga Granada në Ligën e Europës.
