Policia thotë se ka marrë të gjitha masat për mbarëvajtjen e zgjedhjeve lokale në Kolonjë. Duke filluar nga dita e sotme, janë marrë nën mbrojtje kutitë e votimit.
“Punonjësit e Policisë, të planizuar për ruajtjen e objekteve zgjedhore janë paraqitur pranë objekteve zgjedhore, në orën 18:00 ku dhe ka filluar marrja në ruajtje e tyre, proces i cili ka përfunduar 100 % rreth orës 19:00. Të gjitha objektet zgjedhore janë marrë me procesverbal në ruajtje, nga ana e punonjësve të Komisariatit të Policisë Kolonjë”, thuhet në njoftim.
Në këtë fazë të procesit zgjedhor, nga ana e Drejtorisë Vendore të Policisë Korçë, janë angazhuar gjithsej 65 punonjës policie, si edhe janë vendosur në dispozicion 11 mjete.
Në Bashkinë Kolonjë, numërohen 36 Qendra votimi, të gjitha të mbuluara me punonjës policie.Gjithashtu janë 8 Njësi Administrative, ku për çdo njësi administrative ka nga një përgjegjës grupi .
“Deri në këto momente në të gjithë territorin e Bashkisë Kolonjë, situata për sa i përket rendit dhe sigurisë publike paraqitet e qetë dhe pa probleme.
Policia Vendore Korçë, është në gatishmëri të plotë për të përmbushur misionin e saj për garantimin e rendit dhe të sigurisë publike në të gjithë rrethin , me qëllim krijimin e një mjedisi sa më të sigurt, në funksion të garantimit të një procesi të qetë zgjedhor”, thuhet më tej.
