Protesta kundër vendimit të Gjykatës Penale për rastin “Monstra” filloi nën moton “Drejtësi dhe Liri”. Protestuesit u grumbulluan në Çair, ndërsa po vazhdojnë rrugën drejtë Gjykatës.
Ndërkohë, protestës për rastin “Monstra”, iu bashkëngjiten edhe familjarët e Almir Aliut, vogëlushit nga Kumanova për rastin e të cilit të hënën në Kumanovë protestuan dhe kërkuan rigjykim të rastit, dëmshpërblim si dhe lirimin nga akuza të tre familjarëve të Almirit.
Vlen të thuhet se marshimi i protestuesve është ndaluar tek Mavrovasja nga një kordon policor. Policia blindoi qendrën e qytetit.
Ndërkohë, organizatorët po bëjnë thirrje për hapjen e rrugës, ndërsa protestuesve iu bëjnë thirrje për qetësi dhe maturi që të mos bien pre e provokimeve.
