Instituti Kombëtar i Shëndetësisë Publike (IKSHPK), ka regjistruar të Enjten 437 raste të reja me koronavirus, pas 2,643 testimeve në institucionet publike dhe ato private.
Në 24 orët e fundit, ky Institut ka regjistruar pesë viktima të diagnostikuara me COVID-19.
“Rastet e vdekjes janë nga komunat: Deçan 1 rast (62 vjeç), Obiliq 1 rast (30 vjeç), Podujevë 1 rast (76 vjeç), Prishtinë 1 rast (82 vjeç) dhe Prizren 1 rast (77 vjeç)”, ka njoftuar IKSHPK.
Në të njëjtën periudhë, këtë sëmundje e kanë mposhtur 255 persona, ndërsa raste aktive me koronavirus janë 7.145.
Prej 13 Marsit të vitit të kaluar, autoritetet shëndetësore në Kosovë kanë regjistruar 67.906 persona të infektuar me koronavirus.
Prej tyre, 1.587 pacientë kanë vdekur.
