Tottenham është kualifikuar në 1/16-at e Europa League pasi ka mundur me rezultatin e përgjithshëm 8-1 skuadrën e Wolfsberger.
Pas fitores 4-1 të marrë para një jave, Spurs kanë mposhtur sot austriakët 4-0 në shtëpi. Protagonistët e ndeshjes së luajtur pasditen e sotme në Londër kanë qenë Dele Alli, Carlos Vinicius dhe Gareth Bale.
I pari ka zhbllokuar ndeshjen me një gol me roveshiatë në minutën e 11-të dhe ka dhënë asistin për golin e tretë të realizuar nga uellsiani me një goditje të bukur në minutën e 73-të. Braziliani ka qenë autori i dy golave të tjerë në minutën e 50-të dhe 83-të.
