A duhen përdorur apo jo anti-biotikët dhe medikamente të tjera kundër Covid-19? Skënder Brataj, kreu i Urgjencës Kombëtare, tha se gjithçka varet nga pacienti dhe medikamentet mund t´i japë vetëm mjeku.
Në studion e News 24, Brataj tha se në rast se pacienti që rezulton pozitiv me Covid-19 ka kollë atëherë tregon se ka një prekje të mushkërive, dhe duhet filluar antibiotik.
“Antibiotikët duhen nisur nga goja dhe ka rezultuar se më të mirët janë ato të familjes së penicilinës. Por jo sikundër ndodh me disa raste, kur që në ditët e para nis sulmi me medikamente të ndryshme, përfshi edhe dy lloje antibiotikësh nevozë. Në shumicën e rasteve, ato që mbërrijnë si gjendje të rënda në spital janë pikërisht kjo kategori”, tha Brataj.
Lidhur me vaksinimin, ai tha se do të vijohet me grupmoshat e tjera, pasi të përfundojë procesi te grupmoshat 80 apo 90 vjeç.
Brataj tha se lista e personaliteteve ishte brenda fashës 80 vjeç e lart dhe nuk ka pasur asnjë përzgjedhje të veçantë.
