Të tjera detaje janë zbardhur nga ngjarja e rëndë që ndodhi në Durrës mbëmjen e sotme ku kanë mbetur të plagosur nënë e bir.
Ato u qëlluan me armë zjarri pas një sherri për parkingun. Autori Zyber Juba është banor i lagjes nr. 12 në Durrës, i cili është arrestuar menjëherë pas ngjarjes.
Policia thotë se ngjarja ka ndodhur rreth orës 20:10. 45-vjeçari Zyber Juba fillimisht është përleshur me grushte, shkelma dhe sende të forta me Flamur Çermën rreth 23-vjeç, ndërsa më pas ka nxjerrë armën duke e qëlluar të riun dhe nënën e tij, V. Çerma rreth 45-vjeçe që ka qenë në vendin e ngjarjes.
Raportohet se nënë e bir me plagë në këmbë janë jashtë rrezikut për jetën në spitalin e Durrësit.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
