Dr Anthony Fauci, eksperti më i lartë i sëmundjes infektive në SHBA, ka thënë që ish-presidenti Donald Trump ishte ‘me fat’ që mbijetoi nga koronavirusi duke pasur parasysh moshën dhe peshën e tij.
‘Ai mund të ishte futur në telashe serioze. Unë mendoj se ai ishte mjaft me fat, ‘tha Fauci në një intervistë për “The Telegraph”.
Kur Trump shkroi në Twitter se ai dhe gruaja Melania Trump ishin infektuar me koronavirus, më shumë pyetje filluan të vërtiteshin rreth shëndetit dhe peshës së tij.
Në intervistë, Fauci e përshkruan Shtëpinë e Bardhë të Trump si një “përhapës” të Covid-19.
Javën e kaluar u pohua se Trump ishte shumë më i sëmurë sesa ai pranoi kur kishte COVID në tetor, ndërsa ekzistonte frika se ai duhej të intubohej.
Fauci ka thënë se komunikimi midis tij dhe administratës aktuale të Biden është shumë më i hapur se me Shtëpinë e Bardhë të mëparshme.
