Mashtronte sikur ishte lojtar i PSG, si francezi arriti të shkonte në provë me skuadrat e njohura
Disa njerëz do të bënin gjithçka për t’u bërë futbollistë profesionistë. Gregoir Akselrod mashtroi klubet elitare europiane, përfshirë edhe një klub Champions-i, që të fitonte një shans prove, duke u dërguar atyre një CV false.
Në moshën 10-vjeçare, francezi kishte vetëm një ëndërr. Problemi i vetëm që ekzistonte ishte i tmerrshëm në futboll. Babai i tij mendonte se ishte aq i dobët, sa e ndaloi të vazhdonte të luante për të mos u turpëruar.
Por Akselrod nuk hoqi dorë nga ëndrra dhe arriti të “mashtronte” klube të njohura në Angli si Noruiçi, Bornmëthi dhe Suindoni, të cilat pranuan ta marrin në provë, ndërsa mori edhe një ofertë nga CSKA-ja e Sofjes. Të gjithën këtë e bëri duke krijuar një uebsajt fals, në të cilën thoshte se ishte pjesë e klubeve europiane.
Sot ai kujton për “DailyMail”: “Ndeshjen e parë e luajta përpara babait në moshën 10- vjeçare. Ishte si një finale Champions-i për mua. Luajtëm kundër një ekipi të fortë dhe humbëm 4-0. Kur po ktheheshim në makinë, ai më tha: ‘Greg, jam shumë i mërzitur. Ishe shumë dobët. Je shumë dembel. Nuk dua të të shoh më në fushë’. Unë isha i shokuar”.
Deri në moshën 18-vjeçare ai nuk luajti më futboll, përveçse në kopshtin e shtëpisë, por ai nuk u dorëzua. Një ditë në shkollë i lindi një ide. Krijoi një sajt fals ku thoshte se ishte një futbollist profesionist dhe luante me rezervat e PSG-së. Kopjonte kronika ndeshjesh nga “L’Equipe” dhe ndryshonte emrin e sulmuesit të Anelka me të tijin. Dhe 38-vjeçari tregon se kjo strategji funksionoi. Një ditë hyri në fushën e PSG-së për të bërë disa foto “zyrtare” me fanellën e tyre. Portali i tij dhe CV-ja iu dërguan disa prej klubeve më të mëdha në Angli: Çelsi, Siti dhe Arsenali e refuzuan, por ekipi i Suindonit e thërriti për një provë në 2003-in.unnamed
Gënjeshtra e dërgoi vetëm deri këtu: “Në ditën e parë të provës, isha aq keq fizikisht dhe taktikisht isha i humbur. Gjatë një ndeshjeje, një top të gjatë tentova ta ul me kokë, por ai më goditi në fytyrë dhe të gjithë qeshën”. Në 2007 bëri edhe një provë te Bornmëthi në vështirësi financiare, madje në një miqësore shënoi edhe një gol, por sërish nuk bindi. Në Luksemburg atij i ofruan një kontratë profesioniste, por ai e refuzoi sepse këto klube ishin shumë të vogla për të. Në 2009, CSKA e Sofjes e sapokualifikuar në Champions, i ofroi një kontratë 3-vjeçare me 15 mijë paund në javë, por një tifoz zbuloi se sajti i tij ishte fals dhe gjithçka u hodh në erë.
