Edon Hasani është pjesë e organikës së Partizanit, por që ende nuk është bashkuar me skuadrën e Ilir Dajës.
Mesfushori shkodran ka nisur përgatitjet fillimisht me ekipin B, për të qenë më pas gati për skuadrën e parë. 29-vjeçari vjen pas një dëmtimi që e mbajti larg fushës për një periudhë 6-mujore.
Dëmtimi në gju e detyroi t’i nënshtrohej operacionit për rikuperimin e ligamentit dhe në këtë merkato dimri firmosi me skuadrën e Partizanit.
Ai po stërvitet intensivisht për të rifituar formën. Konkurrenca në skuadrën e kuqe është e madhe dhe në këtë mënyrë i duhet të japë më shumë se 100 përqindëshin e tij për të arritur të marrë minuta në fushën e blertë.
