Ish-mbrojtësi i Palermo-s dhe Bari-t, Massimo Brambatti, ka sulmuar Juventus-in dhe zgjedhjen për t’ia besuar stolin Andrea Pirlo-s.
“Sot, për mua, Juventus nuk ka një trajner, – ka thënë Brambati për TMË. – Ka një ish-futbollist të madh, i cili është ulur në stolin më të rëndësishëm të Italisë dhe Europës pa eksperiencë dhe me një staf që nuk është në lartësinë e duhur”.
“Duhej një trajner tjetër për të ndihmuar në rritjen e të rinjve, një që të kishte eksperiencë me të rinjtë dhe që di si të sillet me kampionët. Ndoshta do të jetë një nga më të mirët në botë pas dy ose tre vitesh, por tani nuk është”.
“Gabimi i Bentnacur nuk duhej të ndodhte. Çdo trajner i shikon defektet e skuadrës. Një trajner duhet të ketë një identitet, unë nuk shikoj diferenca mes kësaj skuadre dhe asaj të drejtuar nga Sarri”.
