Një oficer policie është pezulluar pas një skandali i cili ishte regjistruar nga kamerat e zonës.
Mësohet se një polic në Peru është filmuar duke u puthur me një vajzë, ndërsa thuhet se kjo e fundit kishte shkelur orën policore kundër Covid. Siç shihet në pamje, polici afrohet dhe puthet me gruan që kishte shkelur rregullat, gruaja mundohet ta bindë zyrtarin që të mos e ndëshkojë në këmbim të puthjes dhe polici e pranon.
Polici i paidentifikuar u detyrua që të largohet përkohësisht nga vendi i punës, ndërsa autoritetet në kryeqytetin peruan, Lima, po zhvillojnë hetimet lidhur me rastin.
Ibero Rodriguez, zyrtar për sigurinë e qytetarëve, tha se Luis Molina, e ka marrë vendimin për ta pezulluar menjëherë këtë polic. Peruja është në mesin e shteteve më të prekura nga pandemia në Amerikën Jugore, ndërsa që nga fillimi i pandemisë, në këtë vend janë shënuar mbi 44.000 viktima dhe raste që kapin shifra të frikshme.
