Ditën e djeshme në seancën e zhvilluar në Kuvendin e Shqipërisë nderuan me prezencën e tyre një delegacion i Asamblesë parlamentare franceze.
Situata doli jashtë kontrollit kur Ministri i Shëndetësisë Ilir Beqaj shkoi në foltoren e parlamentit për të replikuar deputeten e PD-së Albana Vokshi. Deputët e PD-së nuk e lejuan të flas duke u “sulur” drejt tij. Më pas të tjera incidente pamë në Parlament mes opozitës dhe mazhorancës. Edhe pse ishin të pranishëm delegacioni i Asamblesë franceze deputetët me sjelljen e tyre bënë që ata të largohen “me vrap” nga Kuvendi.
Konflikti në Parlament degjeneroi në goditje me grusht të ministrit të Shëndetësisë, Ilir Beqaj, nga kryetari i Grupit të Partisë Demokratike, Edi Paloka.
Delegacioni francez ne Kuvend Gjithçka nisi me një kërkesë të ish¬Kryeministri Sali Berisha për të replikuar në Kuvend, kërkesë që iu pranua nga nënkryetarja e Kuvendit, Valentina Leskaj, por kjo e fundit përshëndeti praninë në Kuvend të delegacionit francez të kryesuar nga kryetarja e Komisionit të Jashtëm, Elisabeth Guigou. Pasi demokratët dhe socialistët duartrokitën prezencën e miqve francezë, ministri i Shëndetësisë, Ilir Beqaj, rendi të zërë foltoren për të replikuar me deputeten e PD¬së, Albana Vokshi. Por ndërkohë ish¬Kryeministri Berisha ishte drejtuar për të mbajtur fjalën. Në këtë moment, kryetari i Grupit të PD¬së ka kërkuar nga Beqaj që të largohet nga foltorja, por ministri refuzoi duke thënë se e kishte ai radhën. Kjo bëri që Edi Paloka me vrull të sulej drejt Beqajt në tentativë për ta larguar me forcë nga foltorja, duke e goditur në bark. “Ik qërohu nga këtu, o kokrra e hajdutit”, iu drejtua Paloka Beqajt, duke e goditur. Efektivët e Gardës kanë ndërhyrë për të parandaluar përplasjen më të dhunshme, ndërkohë që deputetët e tjerë të PD¬së rrethuan ministrin.
Por kjo sjellje shtangu përfaqësuesit e delegacionit francez, të cilët, pas këtij akti, u larguan menjëherë nga salla e Kuvendit. Valentina Leskaj e ndërpreu seancën për disa minuta, por konflikti mes deputetëve vazhdoi edhe pasi median e larguan nga salla. Mësohet se Kryeministri Rama u është drejtuar demokratëve, duke iu thënë se me sjelljen e tyre u turpëruan para ndërkombëtarëve. Ndërkohë që Edi Paloka është shprehur se socialistët “nuk duhet të vazhdojnë të mbrojnë hajdutin”, duke iu referuar ministrit Beqaj. Pasi situata u çtensionua, nënkryetari i Grupit të PSsë, Taulant Balla, njoftoi depozitimin e kërkesës për të përjashtuar Palokën për 10 ditë nga punimet e Kuvendit. Konflikti tjetër lindi po për marrjen e fjalës. Deputeti Flamur Noka zaptoi foltoren duke mos e lënë Kryeministrin Rama të marrë fjalën. “Nuk ka për të folur njeri këtu përveç Sali Berishës”, u shpreh Noka, duke e penguar kryeministrin të flasë. Edhe ky gjest detyroi për dy herë rresht ndërprerjen e seancës, si dhe bëri që Valentina Leskaj t’i japë dy vërejtje Flamur Nokës, duke e përjashtuar nga salla me “karton të kuq”. Edhe për Nokën do të vendosë Byroja e Kuvendit për masën e ndëshkimit prej 10 ditësh. Noka u lagua nga salla vetëm kur mori konfirmimin se fjala iu dha Sali Berishës dhe jo Edi Ramës.
