Chevrolet Impala, e Kobe Bryant, prodhim 1963, e cila ishte dhuratë Krishtlindjesh nga bashkëshortja Vanessa dhe ishte përdorur nga MTV edhe në “Pimp My Ride”, është shitur për rreth 220 mijë dollarë në një ankand të zhvilluar ditën e hënë.
Makina, e cila fillimisht doli në shitje për 100,000 dollarë në Goldin Auctions, u shit për 221,400 dollarë.
Vanessa, sipas Goldin Auctions, ia bëri dhuratë yllit të NBA në Krishtlindjet e vitit 2006.
Makina kishte më pak se 25 milje të përshkruara ndërsa nuk dihet ende se kush është blerësi i saj.
Shitja e makinës vjen menjëherë pas një vjetorit të vdekjes së Bryant dhe vajzës së tij Gianna. Të dy, së bashku me shtatë të tjerë, u vranë në një aksident me helikopter jashtë Los Angeles në janar 2020.
