Shefja e spitalit Infektiv Najada Çomo dyshohet se është kërcënuar përmes telefonit, nga një 32-vjeçare nga Berati, e cila e merrte vazhdimisht në celularin e saj që prej datës 28 Janar.
Nuk dihet nëse e reja nga Berati ka pasur ndonjë të afërmin e saj të shtruar në spitalin Infektiv, ku mund ti kenë lindur edhe pretendime për shkak të shërbimit që mund ti jetë bërë.
Çështja është duke u trajtuar nga komisariati numër 4 në Tiranë.
Thirrjet telefonike keqdashëse që bëhen me qëllim për të prishur qetësinë e tjetrit, përbëjnë kundërvajtje penale dhe dënohen me gjobë ose me burgim deri në një vit.
