Aktivistja e shoqërisë civile dhe ish- bashkëshortja e Edi Ramës, Delina Fico, e quan dhunë fizike gjestin e Lëvizjes për Universitetin, ku u hodh salcë në kokën e ministres së Arsimit Lindita Nikolla.
Fico shkruan se është turp për një grua që dhunon fizikisht një grua ministre, pavarësisht e kujtdo qeverie qoftë.
“Kam simpati për çdo protestë paqësore. S’kam pasur dhe s’kam përkrahur asnjëherë një protestë të dhunshme për asnjë arsye.
Nuk kam asnjë simpati për delirantë që mendojnë se i dinë të gjitha; që besojnë se bota duhet të jetë vetëm ashtu siç e mendojnë ata, se, përndryshe ata të dhunojnë!”, shkruan ajo.
