Futbolli në të gjitha kategoritë e veta u anullua prej dëborës dhe kushteve të vështira klimaterike. Ndeshjet e programuara për të dielën (dje) nuk u zhvilluan, ndërsa FSHF bëri me dije se edhe duelet e Superligës që duhet të luheshin këtë të mërkurë janë anulluar.
Deri në datën 20 shkurt, pra këtë të shtunë nuk do të ketë futboll. Përmirësimi i kushteve të motit dhe pastrimi i fushave nga bora pritet ta rikthejë futbollin e luajtur të diel në 21 shkurt.
Sipas të gjitha gjasave Federata Shqiptare e Futbollit nuk do të lejojë që të kalojë edhe një javë pa luajtur, duke ngjeshur kalendarin. Kujtojmë se për shkak të bojkotit të Superligës fundvitin e shkuar, ndeshjet tanimë luhen çdo tre ditë.
