Ish-Kryeministri Sali Berisha e ka qujtur njeri me ligësi, sherre dhe intriga kryeministrin Edi Rama duke e akuzuar për pandjeshmëri dhe mungesë totale keqardhjeje ndaj qytetarëve të vendit. Berisha tha nga foltorja e Kuvendit se ndërkohë që vendi po lëngonte nga përmbytja Rama bënte gjithcka duke nisur nga ikja në Nju Jork për të hapur ekspozitën dhe deri më sot, por nuk ka vizituar asnjë zonë të mbytur nga uji.
FJALA E BERISHES
“Njeriu që mbart vetëm ligësira, sherre dhe intriga, bën gjithçka në një kohë kur pjesë e mirë e qytetarëve të vendit jetojnë në dhimbje të mëdha, në terror të vërtetë nga përmbytjet që pësuan, nga shembjet masive të tokës, nga ndihma zero.
Kryeministri i këtij vendi kërkon ta nsië me sherre dhe intriga dhe të mbulojë qëndrimet e tij fund e krye të papërgjegjshme ndërkohë që mendja dhe zemra ime është tek ato qindra mijë familje nga Tropoja në Gjirokastër që u përmbytën nga inekzistenca e shtetit shqiptar dhe përçmimi cinik.
Kur ato lëngonin me fëmijët e tyre nën ujë dhe gjënë e tyre të mbytur me ujin deri në katët e para, kreu i ekzekutivit, në vend të ishte pas tyre, ia mbathi, “çau ferrën” për në Nju Jork për ekspozitën e shkarravinave të tij.
Kam vite që i them për shkarravina, por kur ua tha prof. Et’hem Ruka, shpresoj t’ju vij mendtë dhe ju.
Se të shkosh në Nju Jork dhe të lësh të përmbyturit në një kërcënim fatal në deltën e Vjosës, fshatra të tëra dhe lagje të tëra në Tiranë, duhet të jesh shpirtkazëm si ky këto që s’ka dhimbje njerëzore. Ka njerëz që për shkak të proceseve psikike nuk kanë kurrë keqardhje.
A ju kujtohet juve kur mëngjesin e datës 4 nëntor një superkriminel shtriu në tokë katër vetë?! Zotëria i tij i shtriu qilimin e kuq nënës së tij dhe nuk gjeti një fjalë ngushëllimi për familjet e 4 viktimave po heroizmin e Lizës ua shiste shqiptarëve.
A nuk ishte ky njeri që bëri mbledhjen e Këshillit të Emergjencës dhe nuk tha asnjë fjalë për 3 viktima, sikur të ishin viça, jo njerëz që lanë shkretë familjet e tyre.
Për të, përkundrazi, shkuarja në Nju Jork ishte veprimi më i lavdërueshëm, madje edhe pjesëmarrja në demostratat anti-Trump ishte heroizëm. Përgënjeshtronte mediat nga Nju Jorku që thoshin se demostratat i kishte organizuar Sorosi, pyeste demostruesit që thoshin “nuk na ka organizuar askush” a thua se ky ishte problemi i shqiptarëve të përmbytur.
Është mëkat të merresh me gjëra të tjera në seancë. Po ky s’të lejon.
Kthehet nga Nju Jorku, vrapon në asnjë nga zonat e përmbytura, por shkon në Mirditë ku i thonë “rrofsh e qofsh o Enver se na ke sjellë pllaka sa për 25 vite! Por Ndreca i tij i thotë: Jo për 25 vite, po për 40 vite!!!” kur ai as 1./3 e rrugës për në Prelat nuk ka investuar.
Shkon në Shijak përsëri: 9 projekte! E çfarë ishin ato?! Nuk shkon të takojë të përmbyturit në Rrushkull, Katund të Ri….- Ku jeni ju deputetët e zonës? Se ju nuk shkelni dot atje, keni fituar një urrejtje patologjike. E dini se ka akoma zona nën ujë atje?- Dhe çfarë bën atje? U thotë: “Ujët tek parcela! Ujët ose tek parcela, ose tek kopshti”. Foli për bujqësi, zbuloi pas 4 vitesh se uji shkon tek parcela ndërkohë që deri sot nuk ka prurë ujë në asnjë sistem vaditjeje.
Përkundrazi, projektin që kishim me BB prej 60 mlilionë eurosh, që e lamë gati, e ka shtyrë për tre vjet. Paçka se kishte premtuar se do të investonte 140 milionë USD vetëm në vaditje, nuk ka investuar as 10 milionë USD!’
