“Pa opozitën s’merrni kurrë rekomandim se silleni kështu nuk morët hapjen e negociatave. Ca kujtoni ju se opozita s’ka kontakte, takime, burime? Kështu është shprehur ish -kryeministri Sali Berishanë foltoren e parlamentit duke akuzuar mazhorancën për prishjen e seancës së sotme parlamentare.
Berisha tha se kjo sjellje vjen për shkak se nuk u mor hapja e negociatave me BE-në.
“Nëse këta veprojnë në këtë mënyrë unë pastaj detyrohem të përdor ato fjalë që meritojnë që s’i kam për shpirt e për zemër. Keni tre vjet që prishni cdo seancë, të verbër nga sytë e mendjes. A nuk doli kolegu juaj para jush, a keni ndërgjegje njerëzore? Bëri një aktakuzë të gjerë kundër opozitës, kush e hapi? Asnjë nga diskutantët tanë që u lidhën në diskutim me rendin e ditës, kurse ju dolët këtu sulmuat opozitën. Pa opozitën s’merrni kurrë rekomandim se silleni kështu nuk morët hapjen e negociatave. Ca kujtoni ju se opozita s’ka kontakte, takime, burime? Në vend të shprehni vlerësim apo heshtje të paktën vini opozitën në bankën e të akuzuarve dhe kërkoni të rrahni gjoksin. Nëse u vendos rekomandimi u bë se u votua këtu nga opozita drejtësia. Në vend të thoni u arrit si t’ja bëjmë për hapjen e negociatave ju lëshoni tonelata akuza dhe kërkoni seanca pastaj, cfarë seanca bëni ju? Dilni këtu mashtroni, shpifni dhe pastaj shpëtuam shpirtin, po s’ka shpëtim me mashtrim, lexoni pak librat e shenjtë”, tha Berisha.
