Në ditë me ngarkesë qarkullimi të automjeteve, është vendosur që të devijohen rrugët për ata që udhëtojnë drejt kryeqytetit.
Duke qenë se segmenti më i ngarkuar është ai tek ish-sheshi “Shqiponja”, për shkak të punimeve, policia kërkon që të përdoren rrugë alternative.
“Në ditet me ngarkesën më të madhe të trafikut, si ditën e hënë, ditën e premte dhe ditën e shtunë, qytetarët që udhëtojnë nga jugu i Shqiperisë duhet të zgjedhin si rrugë alternative drejt kryeqytetit Elbasanin.
Qytetarët që udhëtojnë nga veriu i Shqiperisë drejt kryeqytetit, duhet të zgjedhin si rrugë alternative Paskuqanin nepërmjet urës së re dhe Bulevardit të ri Zogu i parë, ndërsa qytetarët që udhëtojnë drejt kryeqytetit nga Kavaja dhe Durrësi, duhet të zgjedhin si rrugë alternative rrugën interurbane dytësore Durrës-Tiranë dhe anasjelltas përmes Ndroqit”, thuhet në njoftimin e policisë.
