Një ditë më parë u finalizua një operacion i SPAK, i cili çoi në arrestimin e një gjyqtareje në Krujë, një avokati dhe disa punonjësve të Gjykatës së Krujës.
Paralelisht u njoftua se ishte pezulluar nga detyra edhe mjeku i njohur Edvin Prifti, i cili kishte dalë rastësisht në përgjimet e SPAK, duke komunikuar me një prej të arrestuarve, dhe nga përgjimi dilte se kishte marrë para për një operacion.
Gjatë pasdites u raportua se mjekut Prifti i ishin sekuestruar rreth 500 mln lekë. Ndërkohë lidhur me këto raportime ka reaguar gazetari i njohur Ylli Dylgjeri, i cili ka ironizuar SPAK.
“Lapsus i SPAK, ne u nisëm të kontrollonim për Edvin Ramën na doli Edvin Prifti!”, ironizon Dylgjeri.
