Një skaf në afërsi të Otrantos ka dhënë sinjalin SOS pasi ka pësuar një avari në motor. Rojet bregdetare italiane në Gallipoli në Pulia e kanë shpëtuar skafin, brenda të cilit ishin dy shqiptarë.
Autoritetet italiane e identifikuan skafin në avari rreth 4 milje larg brigjeve të Otrantos. Anija CP 809 e rojes bregdetare të Otrantos dhe anija CP 327 e rojes bregdetare të Santa Maria di Leuca arritën ta tërheqin deri në portin e Otrantos. Shqiptarët brenda ishin në gjendje të mirë, por njëri prej tyre përfudnoi në pranga pasi ishte person i kërkuar për disa vepra kriminale në Veri të Italisë.
