Modelja e njohur gjermane, Kasia Lendardt, e cila u gjet e vdekur ditën e djeshme në banesën e saj, kishte një fëmijë me një djalë nga Lipjani i Kosovës.
Kasia, e njohur për pjesëmarrjen e saj në ‘Next Top Model Germany’, në vitin 2012, ka një djalë të quajtur Noah nga marrëdhënia me 3-vjeçare me shqiptarin nga Lipjani.
Ende nuk dihen shkaqet e vdekjes të modeles e cila u gjet e pajetë në banesën e saj në ditën e ditëlindjes 6-të të djalit të saj.
Ndarja nga jeta e modeles tronditi opinionin publik dhe shumë personazhe kanë reaguar të tronditur për këtë ngjarje të rëndë. Mes tyre ishin dhe këngëtarët shqiptarë Loredana dhe Ardian Bujupi.
“Ajo ishte e mbushur me energji dhe vetëbesim. Pavarësisht asaj që ndodhi, kjo shoqëri bullizuese vazhdon të gjykojë. Diçka duhet të ndryshojë! Ne duhet të ndryshojmë, le të jetë vdekja e saj një mësim si Princeshë Diana! U prehsh në paqe engjëll”, shkroi ndër të tjera Ardiani në një postim në rrjete sociale.
