Artur Rexhinaldo ditën e sotme është zyrtarizuar në ekipin e tij të ri. Ish-sulmuesi i Kukësit, Laçit e Luftëtarit në Kategorinë Superiore ka firmosur një kontratë njëvjeçare me Shkupin në Maqedoninë e Veriut.
Lojtari nga Mozambiku ka pasur më parë një eksperiencë në Kazakistan, megjithatë tashmë është bindur nga projekti i Shkupit teksa ekipi është në vend të dytë dhe pretendon titullin kampion. Në prezantimin e tij Rexhinaldo thekson se i do shumë sfidat.
“Jam shumë i lumtur që do të vesh fanellën e FC Shkupit. Nuk kam shumë njohuri për kampionatin e Maqedonisë së Veriut.
I dua sfidat dhe kjo do të jetë një sfidë e mirë për mua. Erdha këtu për ta ndihmuar klubin, të shënoj gola dhe të arrijmë ambiciet tona. E di që nuk do të jetë lehtë, por dua të jem edhe unë pjesë e ekipit për ta ndihmuar në këtë arritje.
Kam dëgjuar se Shkupi ka shumë tifozë. Ata duhet të presin shumë nga unë, pasi kam ardhur këtu për të shënuar shumë gola dhe të bëjë asiste. Mezi se pres të fillojmë”. Reginaldo maksimumin e tij e ka pasur te Laçi, kur shënoi 18 gola me fanellën e tyre në kampionat”, u shpreh Rexhinaldo.
