Kreu i Vetëvendosjes në Kosovë, Albin Kurti së bashku me u.d së Presidentit, Vjosa Osmani kanë zhvilluar sot një takim elektoral në Shtime.
Kurti tha se me Osmanin janë bërë bashkë për të formuar një shumicë parlamentare.
“Me presidenten Vjosa Osmani jemi bërë bashkë, e kemi realizuar koalicionin parazgjedhor. Andaj zgjedhjet e reja janë një referendum gjithëpopullorë me që rast ne synojmë një fitore të madhe që ta bëjmë shumicën popullore, shumicë parlamentare. Nuk do të bëjmë koalicione paszgjedhore sepse i kemi bërë ato parazgjedhore.
Gjithashtu Kurti ka deklaruar se bashku me Vjosën nuk do të qeverisin për tu pasuruar, dhe se të vazhdojnë të jenë klasë e mesme.
“Nuk do të qeverisim për të ju sunduar, dhe nuk do të qeverisim për tu pasuruar. Do të vazhdojmë të jemi klasë e mesme”, ka thënë Kurti.
Ajo çfarë është vërejtur në këtë tubim, është prania e flamurit të themeluesit të Lidhjes Demokratike të Kosovës, Ibrahim Rugova.
Ky flamur ishte në mesin e flamujve kombëtarë që valonin në këtë tubim.
