Java që vjen do të shënojë një stad të ri në fushën e inspektimeve në Shqipëri.
Kryeinspektori i Përgjithshëm, Shkëlqim Hajdari, ka lajmëruar nisjen e inspektimeve online në arsim, shëndetësi, sigurinë ushqimore dhe atë në punë.
Hajdari: Javën tjetër fillojmë inpektimet online, pas një procedure rreth dy mujore ku nga ana e Inspektoriatit Qëndror është bërë trajnimi i të gjithë inspektorëve, ëhstë bërë gati pajisja me kartat përkatëse të inspektorit.
Ky është hapi i parë, ndërsa kryeinspektori Hajdari zbulon se shumë shpejt inspektorët do të pajisen me kamera trupi për të rritur transparencën dhe për të evituar çdo mundësi abuzimi.
Hajdari: Shumë shpejt përveçse laptopit, printerit, shërbimit të xhipiesit që do të kenë këto pajisje dhe internetit, trupat e inpektimit do të pajisen dhe me kamera, në mënyrë që inspektimi mes dy palëve, inspektorëve të shtetit, biznesit dhe Entit Publik të jetë transparent, të jetë i regjistruar dhe të jetë i kontrollueshëm dhe i aksesueshëm nga Inpektoriati Qëndror dhe në të ardhmen dhe nga publiku shqiptar, edhe nga mediat shqiptare, edhe nga dhomat e biznesit.
Ndërsa shpërndau kartat për inspektorët e arsimit, Kryeinspektori Hajdari e cilësoi këtë një moment të rëndësishëm në përmbushjen e detyrimeve ligjore dhe kërkesave të Bashkimit Europian.
