Kryeministri Edi Rama, i është rikthyer batutave, në prag të nisjes zyrtarisht të fushatës për zgjedhjet e 25 prillit.
Këtë herë, Rama është marrë me ata që i quan çunat kuksianë të Londrës.
Rama ka publikuar një video në rrjetin social “Facebook”, ku tregon punimet për ndërtimin e aeroportit të Kukësit.
Teksa kujton edhe reagimet e shumta për këtë projekt nuk lë pa përmendur edhe komentet kritike, duke shkruar: “Dhe me buzëqeshjen që më ngjallin sa herë shoh ecurinë e punës me aeroportin, çunat kuksianë me dy gishta të Londrës, që ma kanë bërë copë “librin e shpis” kur postoja projektin 3D, ju uroj të gjithëve një javë të mbarë”.
Duket se Edi Ramës nuk i del inati me çunat kuksianë, pasi pothuajse në çdo takim, i përmend dhe tenton të bëjë batuta, madje duke u shprehur se më 25 prill ata do të vijnë në Kukës për të votuar.
