Nga Boldnews.al
Me një mendje disi të shpërndarë vetëm dekori dukej dukej se funksiononte, pasi si kryeministri Edi Rama ashtu edhe kryebashkiaku Erion Veliaj, stononin para monumentit të tyre të dashur, “Piramidës së Enverit”.
Pritet të hidhen dhjetëra milionë euro për rijetëzimin e Piramidës, këtij objekti të ngritur në kohën e komunizmit në nder të diktatorit Enver Hoxha. Sot ajo duket e rrënuar, por jo e shkërmoqur, ka ende shpresë, ka ende dritë për komunizmin, ka bij e bija që e çojnë deri në fund amanetet dhe mbajnë gjallë hijen e së shkuarës.
“Në kohën kur u ngrit dihet se çfarë qëllimi kishte, por nga pikëpamja arkitektonike ishte ndryshe nga të tjerat. Ishte një shkuarje e arkitektëve të kohës përtej kornizës së asaj kohe, si për të thënë që ajo çka nuk i lejohej të tjerëve dhe nuk lejohej për të tjerat, dhënia e një forme që ishte shumë më e lidhur me tendencat e arkitekturës moderne, për një objekt që ndërtohej në Shqipëri, ishte e mundur, në rastin kur kjo formë do të duhej të përmbante mesazhin e përjetshëm të lavdisë së komunizmit” – tha kryeministri Rama, duke vlerësuar arkitekturën e saj.
Më tej ai shtoi se ishte i lumtur që ky objekt do të kthehej në një qendër të madhe inovative digitale. Puna do të nisë, piramida do rijetëzohet, sepse amaneti nuk shuhet kollaj… Rama dhe Veliaj janë po këtu, ndoshta në grahmat e fundit të një pushteti që në ikje synon të derdhë edhe pikën e fundit të djersës së qytetarëve, taksat tona në rigjenerimin e objekteve të diktaturës. Për Ramën dhe Veliaj piramida e “Xhaxit Enver” ka vlera të mëdha arkitekturore, por pak metra më larg, një godinë historike arkitekturore dhe shpirtërore u shfaros. 17 maj 2020, fadromat e pushtetit rrëzuan Teatrin Kombëtar. Çizmet e policisë shkelmuan protestuesit, armët e forcave speciale ia drejtuan artistëve që mbronin godinën.
Ata ia arritën qëllimit. Objektin kulturor e shembën, e bashkë me të dhanë mesazhin se kushdo që e mbrojti ishte “armik i qeverisë”, cilido që briti për ta ruajtur ishte i padëshiruar i pushtetit. Me shembjen e Tetarit Kombëtar nuk rrënuan një godinë, por përfundimisht vranë reagimin qytetar me çdo mjet të mundshëm dhune.
Kur borxhi publik, varfëria, qeneria oligarkike në dhënien e konçënsioneve ka kapur majat, sot qeverisë i vlen për dekor rikonstruksioni i Piramidës. Varfëria gërryen çdo ditë, por edhe ata para të mbetura do shkojnë jo për biznesin e vogël që po tretet, jo për familjet në nevojë që nuk mbyllin dot muajin, jo për shëndetësinë e rrënuar, jo për të prekurit nga Covid që po vdesin çdo ditë, por në rindërtimin e Piramidës.
Kjo është forma që dyshja Rama-Veliaj kanë zgjedhur të bëjnë, me prepotencë, me imponim dhe mbi të gjitha me indoktrinim, duke kthyer hijet e së shkuarës, jo vetëm si mënyrë agresiviteti, por për të imponuar detaje të jetësës dhe ngritjen në pedestal të propagandës.
Zhdukja e çdo objekti kulturor historik dhe vitalizimi i atyre të sistemit komunist, duke e “gërshëtuar” me modernitetin e kullave, ku pas kateve të larta fshihen afera dhe pastrim të parave të pista, bota e Ramës dhe kryebashkiakut Veliaj është më e kompletuar. Piramida po merr formë, aty është edhe bota shpirtërore e një pushteti që tashmë nuk njeh asnjë kufi përmbatjeje në dëm të qytetarëve.
