Në 25 Prill është i bindur që Edi Ramën shqiptarët do ta largojnë me votë masive dhe se programin e tij qeverisës e shohin si alternativë të besueshme.
“Është një votë për një përqasje që zgjidh problemet e shqiptarëve, ku nuk ka më premtime boshe”.
Angazhimet e tij i duken ambicioze, por ku do t’i gjejë Lulzim Basha paratë dhe sa është fatura e përllogaritur për realizimin e tyre?
“Plani ynë ekonomik i përshkallëzuar në vite ka një faturë nga 400-500 milionë euro në vit”.
Pjesë të programit thotë se ka edhe rindërtimin.
“Edi Rama është ai që e ka mbajtur rindërtimin peng dhe e ka përdorur për interesa elektorale. Lulzim Basha nuk do ta përdorë për interesa politike rindërtimin”.
Ka zgjedhur të kandidojë në qarkun e Tiranës, zonë ku thotë se e ka mundur Edi Ramën në zgjedhjet për Bashkinë në vitit 2011.
“Unë zgjedh të kandidoj në qarkun ku jam votuar për herë të parë deputet. Kjo është zgjedhja ime. Nëse Edi Rama do të më sfidojë në qarkun ku ka humbur është i mirë se pritur këtu dhe kudo tjetër”.
Basha përjashton prerazi çdo mundësi bashkëqeverisje me Edi Ramën, duke e cilësuar largimin e tij si të vetmen rrugë për rimëkembjen e vendit. /Tv Klan/
