Gjenden të tjera materiale që mund të çojnë në identifikimin dhe kapjen e autorëve të vrasjes së Shkëlzen Kastratit më datë 1 shkurt në hyrje të Fierit.
Burime për mediat bëjnë me dije se në makinën tip “Audi” të gjendur dje në Kamëz, me të cilën dyshohet se autorët janë larguar pasi kanë braktisur dhe djegur “Range Rover”-in në Fier, janë konstatuar fije floku dhe mbetje të tjera biologjike.
Gjetja e tyre do të thotë shumë për grupin hetimor, pasi i jep mundësi për sigurimin e provave shkencorë për përfshirje individësh që kanë qenë ose autorët, ose bashkëpunëtorët në atentat.
“Range Rover”-i me targa greke, rezulton të ketë hyrë në territorin shqiptar pa u denoncuar akoma në Greqi. Brenda mjetit të djegur u gjet arma tip “Scorpion”, me të cilën dyshohet se është qëlluar dy herë në drejtim të Shkëlzen Kastratit.
Të gjitha hetimet janë përqendruar tek hakmarrja, e kaluara e Shkëlzenit dhe vëllait të tij, Klement Kastrati.
