Analisti Baton Haxhiu, i njohur për mbështetjen e tij ndaj Kryeministrit Edi Rama, ka komentuar deklaratat e Kreut të Qeverisë, i cili pak ditë më parë tha se “LSI do të shkojë për skrap në zgjedhjet e 25 prillit”.
Haxhiu, duke vijuar diversionet, tha se ndoshta Rama ka si projekt që mandatin e 3-të t´a drejtojë me Lulzim Bashën.
“Ndoshta Edi Rama ka një tjetër projekt për mandatin e 3-të, për këtë duhet t´a pyesim atë, por mendoj se ai ndoshta zgjedh të qeverisë në mandatin e tretë me Lulzim Bashën”, tha Haxhiu.
Në studion e Euronews, Haxhiu tha se nuk ka demokraci pa ikur partitë e vogla dhe pa një gjeneratë të re në politikë.
“Partitë e vogla kanë krijuar një model klientelist, duhet të ikin nga tregu politik dhe duhet të kthehet demokracia mes dy partive, qe do të pasojë me gjeneratën e re politike”, tha Haxhiu. Sipas tij, partitë e vogla do të ikin me zgjedhjet e 25 prillit.
