Boksieri britanik Anthony Joshua, kampion bote në peshën e rëndë (kategoria WBC) u shpreh se do ta fitojë duelin që do të zhvillojë me patriotin e tij Anthony Joshua. Edhe ky i fundit është kampion bote në kategorinë WBA, WBO dhe IBF.
Fury mendon se është më i madh, më i fortë dhe më i shkathët e Joshua, cilësi këto që do ta ndihmojnë në përballjen mes tyre. Kjo sfidë, me shumë gjasa, do të zhvillohet në qeshor të këtij viti dhe do të unifikojë titujt kampionë bote.
“Ndaj Joshua do të veproj njësoj si ndaj Wilder. Thashë se do të shkoja drejt tek ai e do ta grushtoja dhe ashtu bëra, duke e bombarduar derisa sfida u ndal”, tha Fury, i pamposhtur në karrierën e tij.
“Unë fitoj pasi kam një zemër më të madhe, jam më i fortë fizikisht, jam më i fortë psikologjikisht, grushtoj më fort se Joshua. Jam më i kompletuar se ai. Kur të përballet me mua do ta kutpjë atë që them. Ai nuk ka asnjë shans të fitojë ndaj meje. Unë jam dhe do të mbetem i pamposhtur, i pashkatërrueshëm”, tha Fury.
