Mbrëmë erdhi konfirmimi dhe sot vjen zyrtarizimi. Roberto Carlos Dominguez Fuentes, 23-vjeçari i kombëtares së El Salvador është lojtari më i ri i Partizanit.
Mbrojtësi qendror bëhet pjesë e Partizanit si lojtar i lirë, pas një eksperience në Bolivi te skuadra e Bolivar. Ai ka luajtur edhe me disa klube të tjera në El Salvador.
Njoftimi i klubit të Partizanit:
Klubi zyrtarizon arritjen e marrëveshjes me mbrojtësin Roberto Carlos Domínguez Fuentes. 23 vjeçari nga El Salvador mbërrin te Partizani nga kampionati i Bolivisë ku është aktivizuar me skuadrën e njohur të Bolívarit, ku së fundmi është transferuar dhe Armando Sadiku.
Domínguez ka qenë pjesë e ekipeve përfaqësuese të moshave të El Salvador dhe që nga 2015 ai është lojtar i ekipit të parë ku regjistron deri tani 33 ndeshje dhe një gol të shënuar. Domínguez ka firmosur me të kuqtë një kontratë gjashtë mujore me opsion për sezonin tjetër. Lojtari pritet ti bashkohet skuadrës gjatë javës.
