Lëvizja Vetëvendosje me qendër në Shqipëri do të prezantojë ditën e diel, kandidain e tretë të saj për zgjedhjet e 25 prillit, i cili është zgjedhur nga zgjedhësit.
VV përmes Facebook, njofton se ditën e diel në orën 13:00 do të prezantojë para publikurt dhe kandidatin e tretë në një tjetër qark të vendit, pas prezantimit të Bojken Abazit dhe Iliaz Shehut.
Postimi i VV:
Konferencë për media për prezantimin e kandidatit të tretë nga zgjedhësit
Ditën e diel, më 31 janar 2021, në ora 13:00, Lëvizja VETËVENDOSJE! Qendra në Shqipëri do të mbajë konferencë për media ku do të prezantojë kandidatin e tretë për deputet nga zgjedhësit për zgjedhjet e 25 prillit, në një tjetër qark të vendit. Kjo konferencë do të organizohet në zyrën e LVV Shqipëri në adresën: Rruga “Hoxha Tahsim”, nd. 105, kati i dytë (200 m nga Pazari i Ri, pranë optika “Roma”). Ftojmë mediat dhe gazetarët ta ndjekin.
Kujtojmë që Bojken Abazi, kryetari i Lëvizjes Vetëvendosje në Shqipëri, do të jetë kandidat për deputet në qarkun e Tiranës.
Ndërsa në qarkun e Lezhës, Vetëvendosja do të propozojë si kandidat Iliaz Shehun, pedagog dhe aktivist.
