Në një intervistë me një media gjermane, Miliarderi Bill Gates paralajmëroi se pandemi tjetër që mund të vijë, do të jetë 10 herë më e keqe se pandemia që po përjetojmë tani.
Ai tha se njerëzimi nuk është i përgatitur për të dhe këmbënguli që njerëzit duhet të mësojnë nga pandemia e COVID-19.
“Kjo pandemi është e keqe, por një pandemi e ardhshme mund të jetë 10 herë më serioze,” tha Gates, i cili u kërkoi qeverive të mbrojnë qytetarët e tyre kundër sëmundjeve të reja të mundshme.
“Bota duhet të dyfishojë me patjetër investimet në kërkim dhe zhvillim. Sikur pandemia të kishte ndodhur 5 vjet më parë, ne do të ishim gjendur të papërgatitur,” shtoi ai.
Gates tha se “ndalimi i pandemisë tjetër do të kërkojë shpenzime prej dhjetëra miliarda dollarësh në vit” dhe komentoi se vlerësimi i shpenzimeve globale për pandeminë COVID-19 është afërsisht 28 trilion dollarë.
