Kemi krijuar në kokën tonë idenë se përfaqësuesit dhe diplomatët e huaj janë shembulli që duhet të ndiqen nga të gjithë qytetarët. Ata bëjnë një jetë relativisht të mirë, nuk iu mungon asnjë gjë, kanë të ardhura të mira, lëvizin thuajse gjithmonë me shofer dhe truproja, e në fund të ditës, bëjnë detyrat e tyre si përfaqësues të një shteti në një shtet tjetër.
Ditën e djeshme një qytetar i Tiranës ka arritur të shkatërrojë këtë mendim e imazh që ne kemi krijuar në kokën tonë për diplomatët. Ai ka dërguar në redaksinë e Jetaoshqef një video, në të cilën duket fare mirë një person me targa diplomatike teksa bënte xhiro në Dajt.
Në fakt, ishte ditë e hënë, jo e diel, por kjo nuk është se ka shumë rëndësi, ajo që bie në sy është fakti se personi, që mund të jetë diplomat apo jo, e ka kthyer makinën në një autoshkollë, ndërsa në prehër mban një zoçkë 20-vjeçare, siç thotë raportuesi i Jetaoshqef.
Personi brenda automjetit diplomatik duket se ka dashur t’i mësojë drejtimin e makinës në rrugët e Dajtit vajzës që ka në prehër, por ne bëhemi kurioz të dimë: a e ka vënë rripin e sigurimit diplomati dhe zoçka e tij?
Po dritat pse nuk i ka ndezur, siç bëjnë të gjithë, edhe gjatë ditës? Në fund kemi dy pyetje të tjera interesante: Sa para paguhet diplomati për të bërë rolin e autoshkollës? Apo ia ka bërë falas kësaj vajze dhe më pas ka ditur ajo ta shpërblejë? E në fund të fundit, po të ishte shkaktuar ndonjë aksident, mund të themi me bindje se të gjitë do të dinin shumë mirë të mbronin e të mbulonin këtë veprim të shëmtuar përpara të gjithë botës.
Shpresojmë që dikush të ndëshkohet, se qytetarët e thjeshtë gjobiten sa thyhen në mes për një mosvendosje rripi, ndërsa këta, edhe me makinë diplomatike, edhe mbajnë zoçka në prehër gjatë drejtimit të automjetit.
