Kryeministri Edi Rama duket se fushatën për mandatin e 3-të qeveritar nuk do e bazojë as te timoni, as te tepsia, që i dhanë mandatin e dytë.
Tashmë Rama duket se ka gjetur një tjetër element, këpucët e çara. Sot Kryeministri ishte në Korçë, nga ku ka postuar në rrjet edhe një foto paksa të çuditshme mbi këpucët e tij, që i janë çarë.
“Ai momenti kur pyet veten ça dreqin kanë këmbët që janë lagur”, shkruan kryeministri, duke publikuar foton e mëposhtme.
Nuk është çudi që këtë foto ta përdorë deri më 25 prill, ndoshta me idenë se ka ecur dhe ka bërë aq shumë kilometra, sa edhe këpucët po i grisen.
Në fakt nuk është çudi se në 8 vjet nuk investoi në infrastrukturë, thjesht dhuroi show dhe propogandë. Ndaj dhe sot mund të paguajë pikërisht mungesën e investimeve.
