Kryefjala e mediave për marrëdhëniet e tensionuara mes Donald dhe Melania Trump ishte: “Do divorcohen sapo të dalin nga Shtëpia e Bardhë”, por mesa duket gjërat janë shumë më ndryshe se raportimet e lajmeve rozë.
Një prej mikeshave më të afërta të ish-zonjës së parë ka treguar se Melanie dhe Donald kanë marrëdhënie shumë të mirë mes tyre, madje ish-presidenti e pyet për gjithçka bashkëshorten e tij.
“Isha në makinë me të dhe po vinim nga New York-u. Donald ishte në një ndeshje, e telefonoi dhe e pyeti për diçka. Ajo është telefonata e parë e tij. Ai do aprovimin e saj për çdo gjë. Melania i tregon atij si duhet të jetë, por nga ana tjetër edhe e vlerëson për punën që bën. Kam vënë re se ata shihen me njëri-tjetrin me pasion. Ndryshe nga sa thuhet në media, ata kanë një marrëdhënie shumë të afërt me njëri-tjetrin. Diskutojnë hapur për çdo gjë. Unë nuk i kam dëgjuar një herë të zihen”-tregoi Stephanie Winston në “Hollywood Life Podcast”.
E pyetur për rastet kur Melania është parë në publik duke refuzuar të kapë për dore partnerin, Winson theksoi se: “Ata kanë një qëllim për çdo gjë që bëjnë”, duke lënë të kuptohet se gjithçka është bërë për më shumë vëmendje.
