Skënder Krasniqi, biznesmeni që vrau të birin dy ditë më parë në Prishtinë, ka dalë sot para trupit gjykues është njohur me masën e sigurisë arrest me burg. Sipas mediave kosovare, Krasniqi është paraqitur i dëshpëruar në sallën e gjyqit. Madje, ai nuk ka mbajtur dot lotët dhe ka nisur të qajë para trupës gjykuese.
Krasniqi vrau të birin Albert Krasniqi dy ditë më parë me armë zjarri në mes të Prishtinës. Dyshja u përleshën paraprakisht, pasi Skënder Krasniqi po bindte të birin që të dorëzohej në polici.
Viktima ishte shpallur në kërkim nga policia pasi akuzohej se kishte dhunuar ish-gruan e tij, Besa Gashi, por ngjarja përfundoi në tragjedi.
