Një i ri është vënë në pranga nga policia e Fierit pasi akuzohet se ka kryer disa blerje me kartëmonedha euro të falsifikuara.
- N., 25 vjeç, banues në Mamaj, Tepelenë, u vu në pranga.
“Ndalimi i këtij shtetasi u bë pasi në datë 25.01.2021, ka furnizuar me karburant automjetin tip ‘Opel’ në një pikë karburanti në lagjen ‘1 Maji’, Fier, dhe pagesën e ka bërë me një kartmonedhë 50 euro e dyshuar e falsifikuar. Gjithashtu, në datë 26.01.2021, ky shtetas ka blerë produkte në një dyqan në Mallakastër me kartëmonedhë 50 euro të dyshuar të falsifikuar”, njoftoi policia.
U sekuestrua në cilësinë e provës materiale automjeti tip “Opel” dhe dy kartmonedha 50 euro të dyshuara të falsifikuara.
Materialet i kaluan Prokurorisë pranë Gjykatës së Shkallës së Parë Fier për veprën penale “Falsifikimi i monedhave”, shtuan të njëjtat burime.
